!!UFFBASSE!!

"Das perfekte Brautkleid"

Um was gehtsn?

De Eckers Chrisda eer Dochder dud Hairade unn die Chrisda will extra fer eer Dochder e Braudklääd selwer nehe. Awwer die Chrisda kann iwwerhaupt nedd nehe,entschbreschend sied des Klääd dann a aus. Beese Zunge sagen es deed aussehe wie en Krumbeersack midd Blumme druff.De Oddo,de Ehemann vunn de Chrisda muss als Braudkläädmoddl herhalde unn hodd beschlosse des Klääd muss ford. Er will dess Klääd im Gaade vergraawe awwer er duuds vorerschd emol in enere weisse Blasdigdudd verschdeggle.De Gerd,de zukinfdische Dochdermann,brauchd e Verschdeck fer e Neglischee wu er kaaft hot.Er will nedd dass die naigierisch Nochbern des Ding sieht…weil die sieht immer alles.Er verschdeggld des Ding in änere weisse Blasdigdudd. Die Chrisda duud newebai noch fer de Herr Parre die Wesch mache unn packd die ferdisch Wesch in e weissi Blasdigdudd.Drei gleiche weisse Dudde ? Do kännd was schiefgehe…..   Zu dere Hochzisch kummd die ganz Familiebande zusamme. Debai sinn die zwää hyperpubertierende, rotzfresche, händysischdische Neffe mit eerm alläerziehende Vadder (der arm Deiwel).Dann kummd a noch die EX Ehefraa vumm Gerd (zukinfdischer Dochdermann) unn die kummd inkognito unn mischd den Lade e bissl uff.

Dess alles zamme gibd e Riesetheader … awwer deswege seider jo all do odder ?

Gonz viel Sbass un en scheene Owend wünschen die Theatersbieler vum TSV Eppstää

Otto Ecker = Rolf Seitz / Käte Ecker = Christel Seitz / Martina Ecker = Christiane Heinz / Gerd Mann = Daniel Haslinger / Peter Ecker = Roger Schantz / Robi Ecker = Markus Rittmann / Tommy Ecker = Sven Strickler / Susi Prötzer = Doris Graf Fedior / Frau Blicker = Sermin Tas / Biggi Blicker = Daniela Brandau / Pfarrer König = Rainer Euler / Regie: Marlise Euler

Termine 2011 / 2012